Já Gústaf, illmenni eru þeir sannarlega, en þetta var nú ekkert tannbursta bros hjá stelpunni, eða þú meinar að eðlilegra hefði verið að ulla og skyrpa við handtökuna?

Ætli þeim standi þá líka til boða skoðunarferð um illræmd fangelsi Ísraela, þau sem Rauði krossin fær ekki einu sinni aðgang að, svona til að geta borið vitni um að öll mannréttindi séu þar í heiðri höfð?

Sæll Gústaf.

Ég missti ekki af neinu, ég veit nákvæmlega hvernig innleiðingarferlið virkar enda lærði ég það í háskóla. Ég veit líka nákvæmlega hvernig frumvarpið er orðað enda búinn að lesa það ásamt greinargerð þess í þaula oftar en einu sinni ásamt fjölda annarra gagna um málið.

Enginn setur íslensk lög nema Alþingi enda hefur engin önnur stofnun heimild þess samkvæmt stjórnarskránni. Stjórnarfrumvörp sem eru lögð fyrir Alþingi eru samin í íslenskum ráðuneytum, hvort sem um er að ræða séríslensk mál eða mál sem snúa að innleiðingu á reglum sem leiða af þjóðréttarsamningum og hvort sem viðkomandi samningur er EES samningurinn, Mannréttindasáttmáli evrópu, Barnasáttmáli Sameinuðu þjóðanna eða einhver annar þjóðréttarsamningur.

Með því að ákveða innbyrðis forgangsröð íslenskra laga sem Alþingi hefur sett til að innleiða reglur samkvæmt þjóðréttarsamningum er ekki verið að forgangsraða neinu "erlendu lagavaldi" heldur einfaldlega verið að forgangsraða því sem Alþingi hefur ákveðið í krafti síns lagavalds að skuli vera íslensk lög. Svo má hafa skoðun á því hvort að tilteknar reglur sem Alþingi ákveður að lögfesta séu góðar eða slæmar, hver svo sem ástæðan er fyrir því að það var ákveðið.

Fjölmargar góðar reglur hafa verið lögfestar sem endurspegla þjóðréttarsamninga en það eru örugglega líka til dæmi um hið gagnstæða og um kosti þeirra og galla er sjálfsagt að ræða. Að halda því fram að þegar Alþingi gerir slíkt sé eitthvað "erlent lagavald" á ferðinni er aftur á móti bara samsæriskenning sem ekki er fótur fyrir.

Meira að segja í sjálfri stjórnarskránni eru ákvæði sem hafa verið sett til að innleiða reglur samkvæmt þjóðréttarlegum samningum og aldrei hefur neitt verið talið því til foráttu. Þvert á móti eru flestir sammála um að í því hafi falist talsverðar réttarbætur fyrir Íslendinga.